الثورة فى خدمة الشعب .. جمعة 23 سبتمبر

يوم 23 سبتمبر .. الثورة فى خدمة الشعب

يوم 23 سبتمبر هننزل عدد من مناطق القاهرة الكبرى
( الجيزة و القاهرة و القليوبية )
علشان نوصل للناس .. تأثير ملموس فى حياتهم فى الثورة

و هذا لأن دي ثورتنا .. و ده شعبنا .. و نجاح الثورة فى خدمة شعبنا ..
اكيد مسئولية كل واحد فينا مش فرد واحد او تيار واحد او حركة واحدة مهما
كانت قدراتها
و لأن المجلس العسكري و الحكومة بسياساتهم - بحسن نية او بسوء نية -
نجحوا فى ان يجعلوا انفسهم طبقة عازلة سياسيا تمنع وصول اي تأثير
للمواطن المصري من تأثيرات الثورة الايجابية فى حياته و امنه و بيته و
لقمة عيشه و شارعه
لهذا هننزل عشان نعمل تأثير ايجابي و لو بسيط فى اليوم ده , و الاهم
نعرف المواطن ازاي يعرف ياخد حقه فى كل حي .. هننزل هنجمل الشوارع
, و ننظف أكوام القمامة , هنعمل قوافل طبية , و ننظم المرور ,
و نشوف معاهم ازاي يكونوا لجان شعبية و انذار مبكر يحموا بيوتهم فى حالة
انفلات أمني , و نزور أهالي الشهداء و نديلهم هدايا , نجدد فرش المساجد ,
و نساعد فى توصيل العيش للمخابز و نعمل حملات توعية سياسية توعيهم ازاي
ينتخبوا حكومة و برلمان تخلي حياتهم كويسة
.. زي ما هنخليها فى اليوم ده بإذن الله

و طبعا علشان الامكانيات محدودة .. فإحنا مش هتنزل كل مجموعات الحركة
بالقاهرة في كل المناطق .. انما هننزل فى مناطق محددة بالتنسيق مع شباب
الثورة فى القوى السياسية و الاحزاب الأخرى .. و على حجم الدعم و
المساندة لليوم منكم .. على حجم نجاحه